image_pdfimage_print

Biznesdə sahibkarları və onların menecerlərini əhatə edən bir neçə vacib və daimi anlayışlar var: məhsul, müştəri, rəqiblər… Çoxları rəqiblər dedikdə bu sözə neqativ yanaşaraq “rəqib” məfhumunu hardasa “düşmən” sözünə sinonim edir. Bu tipli düşünən adamlar tezliklə öz rəqiblərini “ağılsız”, “bacarıqsız” hesab etməyə başlayırlar və bu uğursuz sonluğunun başlanğıcı olur. Rəqiblərimiz haqda mənfi düşünmək çox təhlükəlidir, çünki Siz özünüzü onlardan üstün tutduğunuz andan rəqib fəaliyyətindəki müsbət deyişiklikləri görmürsüz və onlar tezliklə irəli keçə bilərlər.

Rəqibləri əsassız şəkildə özünüzdən üstün görməkdə olmaz. Belə etdiyiniz zaman Siz onların etdiyi bütün addımları kopyalamaya başlayacaqsınız. Bunu hiss edən rəqibiniz ən yaxşı halda Sizə güləcək! Rəqiblərin sektorda etdiyi yeniliklərin uğurlu və uğursuz olduğunu konkret hesablamadan bu haqda fikir söhləmək çətindir.

Rəqiblərlə qiymət mübarizəsinə girmək çox təhlükəlidir. Bu heç kimə xeyr getirmir. Qiymət rəqabətinə girən sahibkar biznesin ən vacib dəyəri olan mənfəətsiz qala bilər. Təbii ki, zərərli biznes heç kimə lazım deyil. Məhşur misalda olduğu kimi – məqsəd bağbanı döymək deyil, üzüm yeməkdir!

Düşünürəm ki, rəqiblərlə ən düzgün münasibət növü – partnyorluqdur. Bu aşağıdakı sahələri əhatə edə bilər:

  • Rəqibiniz Sizin adınızdan hansısa müştəriyə xidmət göstərə bilər. Məsələn əgər Sizin mağazanızda olan məhsulun hansısa bir növü hal-hazırda Sizdə yoxdursa, eyni şeyi rəqibdən təhciz etmək çox düzgün addımdır.
  • Ümumi sektor problemlərinin müştərək həlli. Bəzən elə problemlər olur ki, onların həlli nəticəsində ümumi bazar böyüyə bilər. Bu problemlərin həlli üçün Siz rəqibinizlə eyni nöqtədən birlikdə çıxış etsəniz problem daha tez və az xərclərlə həll edilə bilər.
  • Bəzi coğrafi reqionlara müştərək girmək yolları. Məsələn Sizin Şəki bölgəsində əla anbar və daşınma imkanları olan distribyutorunuz var, lakin yetərli şəkildə malınız yoxdur. Bu halda rəqibinizlə müştərək fəaliyyətlə bu bazarda satış təşkil edə bilərsiniz (mal rəqibdən, satış kanalları Sizdən və ya əksinə) 
  • Bahalı infrastruktur və ya istehsal-satış xarakterli investisiyaların qoyulması. Məsələn eyni kateqoriyalı məhsul istehsal edən 2 və ya daha çox bir-biri ilə rəqib şirkət müştərək investisiya qoyuluşu ilə biznes prosesinə xeyr verəcək infrastruktur və ya istehsal təyinatlı investisiyalar qoyması çox düzgündür.
  • Çətin potensial müştərilərin birlikdə təlimləndirilməsi. Bəzən Sizin məhsulun əvəzedicisini istifadə edən müştərinin rəqiblərinizlə birlikdə səylərlə sizin sektorun müştərisinə çevirmək olur. (məsələn bizim sektorda şpondan olan mebellərin alternativi ağac yonqarlı lövhəli mebellərin üstünlüklərini göstərmək).
  • Bazarda vahid marketinq fəaliyyətləri göstərmə. Buraya konkret müştəri ehtiyyaclarını öyrənəcək araşdırmaların keçirilməsi (təklikdə araşdırma keçirilmə bahalı ola bilər) və ya ümumilikdə kateqoriyanın reklamının təşkili kimi məsələlər aid edilə bilər. Məsələn bügün Şəkidəki turizm müəssisələri çox asanlıqla vahid marketinq büdəcəsi ilə Şəkinin reklamını edə bilər (etməlidir).

Dediklərim məsələləri edən sahibkarlar çox tezliklə sektorun liderlərinə çevrililə bilərlər və ya tam əksi rəqibinə düşmən kimi yanaşmaq Sizi daha kiçik işlərlə məşğul olmağa sövq edir. Təbii ki, rəqib heməşə rəqibdir. Lakin unutmayaq ki, biznesin məqsədi rəqiblərə qalib gəlmək deyil, pul qazanmaqdır.

Yadıma məhşur serialın adı düşdü, bir sözlə rəqiblərə düşmən kimi baxmaq olmaz!

Uğurlu biznesin 6 QANUNU

Mağazaçılığın 3 vacib şərti

şərhlər

şərhlər

2 Comments

  1. Təşəkkür edirəm məqaləyə görə. Maraqlı məqalədi.Düz ürəyimdən vurdunuz. Elə 2 gün qabaq prezentasiyada sizin yazdığınız 1-ci fikiri söylədim.Amma nə yazıq ki, rəqib çox vaxt aşağı qiymətləndirilir:(

  2. Bir sozla, raqiblarimiz bizim dostumuzdur.)

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close