image_pdfimage_print

Biz daha əvvəl Sizinlə söhbət etmişdik ki, reklam fəaliyyətinin effektiv olması üçün mütləq auditoriya lazımlı məlumatı onun başa düşəcəyi dildə, tərzdə və informasiya almaq istədiyi zaman ötürmək lazımdır. Bugün reklam yalnız icazəli olduğu halda faydalı ola bilər. Biz marketoloq bunu öyrənməliyik. Biz yalnız icazə aldıqdan sonra danışmalıyıq!

Mən hər dəfə Marketinq AİR təlimlərində reklam və ya kommunikasiya elementləri barədə söhbət açdıqda “мыльная опера” tarixindən misallar gətirirəm. Bir vaxtlar Amerikada P&G (daha sonra bunu Colgate edib) öz məhsullarının reklamlarını etmək üçün radioda ardıcıl süjet xətti olan veriliş-seriallar hazırlayırdı. Bu seriallarda baş gəhramanlar açıq aşkar şəkildə şirkətin məhsullarını reklam edirdi. Dünyada ilk seriyalı brend olan İvory sabunu məhz bu seriallar hesabına tanınma qazınmışdı. Buna görədə hamı belə seriallara “sabun köpüyü” deyirdi. Həmin dövrlərdə bu cür reklam yaxşı işləyirdi. Bəs muasir zamanda bu tip kommunikasiya effekt verə bilərmi?! Əlbətdə bilməz.

Bugün nəyin ki, “sabun köpükləri”, hətta TV olan son dərəcə kreativ reklamlar belə müştəridə neqativ emosiya yaradır. İnsanlar 21-ci əsrdə informasiya bolluğu yaşayır. Bu baxımdan biz mesajı yalnız onu eşitmək istəyən adamlar üçün verməliyik.

Reklam sektorunda çox ciddi bir paradoks yaşanır. Son 10 ilin dünya reklam bazarında olan qiymətləri təhlil etsək görərik ki, reklamın dəyərinin qalxmasına paralel olaraq, reklamın təsiridə durmadan düşür. Bu bizim Azərbaycandanda özünə açıq şəkildə buruzə verir.

Əgər 2009-cu ildə biz TV reklamın ortalama olaraq bir saniyəsini 18-20 manata alırdıqsa, bugün bu rəqəm təxminən 1 saniyəyə görə 36-40 manat arasında dəyişir. Bəs əhatə?! (buna marketoloqlar Reach demeyi xoşlayır). Əhatədə xeyli aşağı düşmüşdür. Peyk televiziyalarının çıxması, internet TV baxış prosesini zəiflətməkdədir. Artıq informasiya mübadiləsi üçün internet, sosial şəbəkələr var. Artıq sevdiyin filmə baxmaq üçün YouTube var və s.

Biz marketoloq müştəri ilə icazəli danışmalıyıq. Bunun üçün yalnız hədəf kütlə olan yerlərdə brendimizi göstərməli, yalnız bizim kateqoriya haqqında dinləmək istədikləri zaman nesə deməliyik. Bu yaxınlarda Almaniyada çıxan bir marketinq nəşrində belə bir məqalə var edi: “Reklam öldü, yaşasın kontent marketinq”. Belkədə bu bir inqilabdan xəbər verir?! Belkədə həqiqətən biz verdiyimiz məlumatın kontentinin üzərində işləməliyik?!

Bir dəfə Moskvada Kommunikasiya idarəedilməsi üzrə seminarda iştirak edirdik. P&G kommunikasiya menecerinin sözü yadıma düşür: “Şirkətlər reklamın effektivliyi artırmaq üçün verilən mesajın lazımlı adamlara çatmasına çalışmalıdırlar. Bu olmasa reklama çəkilən xərclər havaya gədər”. Məncə bugün biz marketoloqları yalnız bu xilas edə bilər.

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close