image_pdfimage_print

Sizcə aldanmaq necədir?! Sizi heç aldadıblar? Bəs Siz bilirsinizmi bəzən bilərəkdən aldanmaq, bizə böyük xeyr verə bilər. Hər bir işdə, hər bir prosesdə mütləq qaydada bir fürsət, imkan var. Güclü menecerlər bu fürsətləri görə bilir, zəiflər isə sadəcə aldanmaqdan qorxur. Mən bu yazıda Sizə aldanmağın faydalarından və ya aldanmağın uğurlu idarəetmə aləti olduğu barədə danışmaq istəyirəm. Başlayaq?!

Bu yaxında bir dostumuzla ümumi idarəetmə prinsiplərindən söhbət edirdik. Güclü menecerlərin xüsusi metodlarının olduğu, onların bizim adi qəbul etdiyimiz detalları düzgün qiymətləndirdiyi və istifadə etdiklərindən danışırdıq. Əlbəttə biz hamımız bilirik ki, idarəetmə böyük bir elmdir və hər bir elmdə olduğu onun çox saylı sirləri mövcuddur. Bu sirlərdən biridə bilərəkdən aldanmaqdır. 

Güclü idarəetmə bir-başa olaraq düzgün qurulmuş motivasiya sistemindən asılıdır. İnsanların üzərində diktatur kimi davranmaq zamanı bugün artıq aktual deyil. Ən azı inkişaf etmiş ölkələrdə bu artıq “dünəndir” bizdə isə, güclü menecerlər bunu başa düşürük və yavaş-yavaş imtina etməyə başlayır. Onun yerinə daha mütərəqqi, daha intelektual idarəetmə, manipulyasiya metodları alətləri gəlir.

İnsanları idarəetmə üçün onlara konkret olaraq hansısa bir prosesdə maraqlı olmalarını təmin etmək lazımdır. Başqa sözlə desək düzgün idarəetmə insan ehtiyyaclarının üzərində qurularaq, onları idarəediciyə lazım olan istiqamətə yönləndirməlidir. Mən yazıda bilərəkdən aldanmaqla necə böyük faydalar qazanmaq mümkün olduğu barədə fikirlərimi Sizlərlə bölüşəcəm.

Nesə etmək, hədəflərimizə çatmaq üçün biz müxtəlif insanlarla təmasda oluruq. Bu adamlar bizim öz işçilərimiz, bizim rəhbərlər, müştərilər, təhcizatçılar… bir sözlə hamı ola bilər. Bəzən bizim qarşımızda olan insanlar hansısa bir prosesdən maksimum fayda qazanmaq istəyir və “öz aləmində” bizi aldatmaq istəyir. İlk baxışdan bizə elə gələ bilər ki, bizi aldadan heç kim bizə lazım deyil və s. AMMA əslində hər şeydə bir imkan olduğu kimi “aldanmaqdada” çox böyük fürsətlər gizlənir. Biz bilərəkdən öz müştərimizə aldana bilərik, məsələn əgər fikir verirsinizsə güclü satış adamları prosesin sonunda müştərinin çox “diribaş” olduğunu deyirlər. Onlar bununla sadəcə kompliment edir. Müştəri elə bilir ki, hansısa mövzuda satıcıdan daha güclüdür və ona qalib gəldiyinə görə məsələn, məhsulu daha ucuz aldı. Bu müştəridə məmnunluq yaradır. Amma bununla belə insan özünü daim borclu hiss edir və mütləq satıcıya xeyr verir.

Misallara keçək.

Misal №1 Bir dəfə salonlarımızın birinə kompyuter almaq lazım edi. Bir tanış İT-i işçisi mənə kompyuter təklif etdi. Mən onun qiymətini digər PC-lə müqayisə etdim və onun bəzi konfiqurasiyalarla oynayaraq mənə əslində daha baha qiymət dediyini bildim. Üstünü vurmadım. PC salona aldım və İT-lə məşğul olan tanışıma ona çox inandığımı dəfələrlə təkrar etdim. Sonra kompyuteri aldıqdan sonra parametrlərin zəif olduğunu tanışımıza xatırladıb ona yenədə sonsuz inandığımı bildirdim. Bundan sonra mənə nə vaxt kompyuterlə bağlı nə problemim olur həmin tanışa deyirəm, butün İT təminatımı edir… və buna görə məndən bir manatdan pul almır. Çünki o özünü borclu hiss edir.

Nəticə: Bəzən biz insanlara nəyisə qurban verərək onları özümüzdən asılı vəziyyətə sala bilirik. Bununla biz “aldanmış” kimi özümüzü göstəririk, amma əslində bizdə hər bir gediş hesablanır. Bu metod şahmat oyununa çox bənziyir. Aldanmağın özü belə bəzən faydalı olur, əgər bu düşünülmüş şəkildə edilirsə.

Misal №2. Şahmatla aktiv məşğul odluğum vaxtlar bir beynalxalq yarışda iştirak edirdim. Mən o vaxtlar hardasan 14-15 yaşlarında edim və qarşıma beynalxalq usta adı almaq hədəfini qoymuşdum. Bunun üçün beynalxalg yarışlarda qrusmesterlərə qalib gəlməli edim. Yarış xaricdə keçirilirdi və 4 oyundan 4 xal yığmışdım (4 qələbə). Beşinci turda Rusiyalı bir grossmesterlə oynayacaqdım, xoşbəxtçilikdən ağlarla. Rəqibin butün oyunlarını əzbər bilirdim və məndən həm reytinq, həmdə sırf şahmat biliyi olaraq çox üstün edi. Mən o vaxt ona aldanmağa gərara gəldim. Onun çox yaxşı bildiyi bir debut var edi (Karo-Kann müdafiyəsi) və bu müdafiyədə onun son dərəcə təntənəli qalib gəldiyi bir oyunu mən ən azı bir həftə təhlil etmişdim. O oyunda mənim ev tapşırığım var edi. Oyuna başlayaraq bir-başa həmin vəziyyətə kor-təbii getməyə başladım. Rəqib özündən çox əmin edi, çünki o bu vəziyyətə dünyada oynaya bilən yeganə qrossmester edi və təbii ki, hansısa bir uşağın bunda nesə yenilik edəcəyinə inanmırdı. O məni aldatdığından əmin edi.

Mən öz ev tapşırığı etdim və qrossmester “dostumuz” dalbadal buraxdığı iki səhvlə tam uduzmuş vəziyyət aldı. Cəmi 24 gediş!!! O öz aləmində məni aldadıb özünün ən yaxşı bildiyi vəziyyətə salmışdı və buna görədə “arxayınçılıq” hissi ən üst səviyyədə edi. Mən bu oyunda qalib gəldim. Oyundan sonra qrossmester yuxarıda yazdıqlarımı mənə dedi!)

Nəticə: Bəzən rəqiblərə bilərəkdən aldanaraq biz çox böyük fürsət əldə etmiş oluruq. Çünki rəqiblər öz “ehtiyyatını” tam əldən vermiş olurlar. Bizdə bundan gözəl istifadə edə bilərik. Necə ki, şahmatda ev tapşırıqları ən vacib məsələdir, eləcədə biznesdə, menecmentdə daha əvvəl hazırlanmış planlar bizi uğura dahada yaxınlaşdırır.

Nə qədər təəcüblə gəlsədə bilərəkdən aldanmaq idarəetmənin, insan münasibətlərinin butün mərhələlərində istifadə edilə bilər. Dediyimiz prinsiplər marketinqdəd’ effektivdir. Bunun üçün biz müştəri-brend münasibətləri düzgün formada idarəetməyi bacarmalıyıq. Sadəcə əsas odur ki, hər bir “gedişimizi” hesablaya bilək.

ƏLAVƏ OXUMAQ ÜÇÜN:

şərhlər

şərhlər

1 Comment

  1. Ilkin muellim, minnetdaram size. Yazan elleriniz var olsun!

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close