image_pdfimage_print

Gillette brendinin gücü haqqında əlbəttə, kitablar yazmaq olar. İstər qlobal bazar payına görə, istər yeni məhsul siyasəti, istərsədə yaratdığı reklam-kommunikasiyaya görə bu brenddən öyrəniləsi çox şey var. Biz bu yazıda Sizinlə Gillettin Azərbaycan bazarında etdiyi marketinq kommunikasiyalarını təhlil edəcəyik.

Yazıya keçməzdən əvvəl brend haqqında bir neçə faktları Sizlərlə bölüşmək istəyirəm. Faktlar həqiqətəndə brendin gücünü ortaya qoyur.

Gillette dünyada yeganə brenddir ki, qlobal olaraq öz kateqoriyasında 70% çox bazar payına sahibdir. Başqa sözlə desək planetimizdə alınan hər 10 təraş vasitəsindən 7-si məhz Gilletten olur. Yerdə qalanları Schick və digər brendlər tutur.

Gillette marka tanınmasına görə sektorda ən tanınmış brenddir. AC Nielson araşdırmalarına görə yer üzərində olan kişilərin 90% bu brend haqqında məlumatlıdırlar.

Gillette brendi 2005-ci ildə Procter and Gamble tərəfindən 57 mlrd. dollara alınmasına baxmayaraq bugünə qədər brendin menecmentində köhnədən qalan adamların payı 80% çoxdur. Bu onu göstərir ki, brend son dərəcə güclü korporativ adət-ənənələrə malikdir.

Brendin yaradıcısı olan King Kemp Gillettin tarixi isə hər bir sahibkar düşüncəli adam üçün çox maraqlı ola bilər. Gillette sıfırdan biznes qurmağın bariz nümünəsidir. Düşünün ki, bugün 55 milyardlıq biznes yaratmış “dostumuz” o vaxt 11 il ərzində 5 000 dollar toplayaraq istehsala qura bilmişdi. Bu haqda başqa vaxt danışırıq. Keçək əsas mövzumuza, Gillette brend kommunikasiya siyasətinə.

Gillette brendi təraş bazarının tək lider olduğuna görə bugün əsas hədəfi insanların daha çox təraş olmasını təmin etməkdir. Bunu brend necə edir?! Mən bu sualla cavab vermək üçün iki bazarda Gillette etdiklərindən danışacam: Azərbaycan və Hindistan bazarında.

Gəlin əvvəlcə yerli bazarda olan brend kommunikasiyalardan danışaq. Brend öz qlobal dürüşünü Azərbaycana göstərmək və brendin ölkəmizin gündəmində olmağını təmin etmək üçün meyxana müsabigəsi elan edir. Bu addımlar brend bir neçə strateji məqsədlərə xidmət edir. Daha konkret.

  1. Brend meyxana yarışmasını keçirməklə ölkədə daha çox kişilərin sevdiyi və sırf lokal səviyyədə olan bir xobbimin yanında olur. Gillette bununla həm hədəf kütlə arasında daha çox tanınır həmdə daim ilk ağılda olur, Gillette Azərbaycan bazarına öz brend konsepsiyasını adaptasiya edə bilir.
  2. Brend öz yeni məhsulunu tanıdaraq təraş üçün xərclənən ortalama çəki qaldırmağı hədəfləyir. Adi təraş vasitələrindənsə, Gillette Blue 3 istifadə etmənin üstünlüklərini hədəf kütlənin öz dilində ifadə edir.
  3. Brendin adını milli atalar sözü ilə ifadə edilir. Gillette Blue 3, bizim dilimizdə istifadə edilən “atalar 3dən deyib” uyğunlaşdırmaq brendin rasional üstünlüyünü daha emosional formada çatdırmaq üçün əla vasitədir. Öyrənməli çox şey var. Təraş olmaq, meyxana demək və pul qazanmaq üçün üç addımı brendin adı ilə eyniləşdirən Gillette menecerləri əslində son dərəcə güclü marketinq addımı atmışlar.

Biz hesab edirik ki, Gillette kimi qlobal brendin Azərbaycan bazarına aid brend kommunikasiyası qurması həqiqətəndə təqdirə layiqdir. Hesab edirəm ki, bu kampaniyadan sonra brendin satışlarında müsbət dəyişikliklər olacaq.

Ümumiyyətlə brendin bu tip lokal adaptasiyaları tez-tez olur. Xatırlayıram brend Hindistan bazarında ciddi problemlərlə qarşılaşanda etdiyi “To Shave or Not?!” konsepsiyası həmin il P&G ən uğurlu kampaniyası elan edilmişdi. Gillette təraş mövzusunu Hindistanda aktivləşdirmək məqsədi ilə AC Nielson vasitəsi ilə xalq arasında sorğu etmişdi və bu sorğunu tele-debata çıxardı. Nəticələr Gillettin istidiyindəndə yüksək oldu.

Biz hesab edirik ki, güclü brend menecer kimi yetişmək üçün qlobal brendlərin marketinq kommunikasiyaları ciddi şəkildə izləmək, bençmarkinq etmək lazımdır. Sizi bilmirəm, mən bu brendlərdən çox şey öyrənirəm.

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close