image_pdfimage_print

Bloqumuzun oxucularının bildiyi kimi, biz bloqumuzda yeni rubrika olaraq – Sevilən brendlər – haqqında silsilə yazılara başlamışıq. Daha əvvəl, rubrikamızın qonağı Almaniyanın “dm” və Rusiyanın əfsanəvi pərakəndəçisi olan “Евросеть” brendləri olmuşdu. Bu dəfə post-sovet ölkələrinin ən güclü FMCG brendlərindən olan Вимм-Билль-Данн şirkətinin “Домик в деревне” brendi haqqında söhbət edəcəyik.

İlk əvvəl qeyd etməliyəm ki, Rusiyanın ən güclü iki FMCG şirkəti olan Вимм-Билль-Данн və Юнимилк şirkətləri artıq dünya nəhəngləri tərəfindən alınmışdır. Belə ki, Вимм-Билль-Данн – Pepsi Co, Юнимилк – Danone tərəfindən alınıb. Buna baxmayaraq bugün söhbət aparacağımız brend öz unikal identifikasiyası saxlayaraq hələ uzun illər Pepsi Co brendləri arasında qloballaşmayan brend kimi qalacağı şübhə doğurmur. İlk əvvəl Sizi sevilən brendimiz olan – “Домик в деревне” ilə tanış edim:

  • Rusiya bazarında brendin spontan tanınması 70%, xatırlatma ilə tanınması 98% bərabərdir. Bu o deməkdir ki, brendin tanınması Coca-Cola və ya rus mobil operatoru olan Билайн, Мегафон-an daha çoxdur;
  • Böhran dövründə Rusiya süd bazarı 15% azalma göstərdiyi vaxtlarda, brendin bazar payı 8% artmışdır. Ruslar bu brendi ən keyfiyyətli və təbii süd məhsulu hesab edirlər;
  • “Домик в деревне” brendi distribyusiya səviyyəsinə görə Rusiyada Coca-Cola və Mars (burda söhbət şirkətdən gedir) brendindən sonra üçüncü yerdədir. Bu o deməkdir ki, Rusiyada olan butün ərzaq mağazalarında bu məhsulları tapmaq olar;
  • Brendin əsas obrazı olan “nənə” Rusiyada ən sevilən maskod seçilmişdir. Başqa sözlə desək, brendin obrazını hamı tanıyır və sevir.

Bəs Sizcə brendin əsas uğur kriteriyaları nədir? Necə olur ki, brend lider olmaqla yanaşı bazarda öz gücünü qoruya bilir?

İlk əvvəl qeyd etməliyəm ki, “Домик в деревне” brendinin özəyi Rusiya üçün son dərəcə relevant olan mövzunun üzərində qurulmuşdur. Brend öz adındanda göründüyü kimi: “Bizim məhsullar tam təbii, kənd məhsulları kimidir” mesajını verir. Brendin əsas dəstəkləyici obrazı olan “nənə” həm kənd nostalqiyasını, həmdə “Nənəmin hazırladığı daha dadlı” olar assosasiyasını yarada bilir.

Təsadüfi deyil ki, brend öz satışlarının böyük əksəriyyətini məhz “milyonluq” şəhərlərdə edir. Böyük şəhərlərdə kəndə qarşı nostalqiya daha “şirin” olur. Düşünün ki, Rusiyanın cənub bölgəsində brendin satışları daha aşağıdır. Bu bölgələrdə kənd əhalisi daha çox olduğuna görə kənd mesajı güclü istehlakçıya tam təsir edə bilmir.

AC Nielsonun apardığı araşdırmalara görə “Домик в деревне” brendinin böyük şəhərlərdə daha çox sevilir. İnsanlar brendin daha keyfiyyətli və təbii olduğunu düşünürlər. Səbəb?! Səbəb odur ki, brend böyük şəhərlərdə müştəriləri üçün daha maraqlı olur. Çünki böyük şəhərlərdə kəndə qarşı nostalqiya daha çox olur.

Azərbaycanda oxşar strateqiyanı Azersun şirkətinin brendləri həyata keçirir. “Bizim tarla”, “Bizim süfrə” kimi brendlərin məntiqində məhz kəndə qarşı olan nostalqiya dayanır. Sadəcə “Домик в деревне” brendinin yerli brendlərdən fərqi ondadır ki, rus brendi öz identifikasıyanı eyni şəkildə butün kommunikasiya elementlərinə daşıya bilir. Son dərəcə uğurlu formada. Bizim brendlərdə isə çatışmayan brend-identifikasiyanı butün kommunikasiya vasitələrində (necə dəyərlər 360 dərəcə) istifadə etməmək və daimiliyin azlığıdır.

Bugün “Домик в деревне” nəyin ki, Rusiya post-sovət ölkərinin demək olar ki, hamısında geniş şəkildə təmsil edilir. Bizim bazarda bu brend çox zəifdir. Bunun bir sıra qeyri-binzes və ya qeyri-marketinq səbəbləri var. Bu başqa bloqların mövzusudur… bizim işimiz sadəcə brend və biznes haqqında olan fikirlərimizi paylaşmaqdır. Buna görə brendin Azərbaycanda niyə belə zəif təmsil edilməsi barədə danışmayaq…

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close