image_pdfimage_print

Özünə hörmət edən, istənilən marketə girin və Siz mütləq yaşıl qutuda Heiniken pivəsi görəcəksiniz. Sektorda ən yüksək səviyyəli distribyusiyaya malik olan brend əslində dünyada vahid brendinq strateqiyasını uğurlu yerinə yetirən əfsanəvi şirkətlərin siyahısındadır. Bu yazıda biz Sizinlə Heiniken brendinin tarixi və marketinq strateqiyası barədə danışmaq istəyirik.

1863-cü ildə Qerard Heiniken tərəfindən qurulan pivə istehsalı, bugün sektorda imperiya olmaqla yanaşı, demək olar ki, ailə biznesi olaraq qalan yeganə transmilli şirkətdir. Şirkətin 51% səhmləri Heineken ailəsinə məxsusdur. Bəlkədə elə bu səbəbdən Heineken brendi yarandığı gündən apardığı strateqiyanı dəyişmir?!

142 illik tarixi olan şirkət Avropada ilk brendinq nümunəsi kimi göstərilə bilər. O vaxt şirkət sahiblərindən biri Amerikada təhsil aldıqdan sonra, ilk dəfə öz kabinetinin üstünə “Marketinq və reklam şöbəsi” sözünü yazdırmışdır. Məhz elə bu vaxtdan Heinekenin dəyişməz qalan yaşıl rəngi əsas brend atributudur. Yalnız yaşıl rəngmi? Əsla…

Brend yarandığı gündən vahid ad strateqiyasına sadiq qalaraq müxtəlif pivə sortlarının istehsalını öz brendi altında həyata keçirir. Məsələn, Heineken brendi ilə hal-hazırsa 20-ən çox növdə pivə istehsal edilir – brend vahid olaraq qalır! Digər rəqiblər müxtəlif pivə sortlarını müxtəlif brend adları versələrdə, Heineken öz adına və rənginə daim sadiq qalır.

Öz vizuallığı və keyfiyyətə olan baxışlarını butün dünyada standart saxlasada, brend digər FMCG brendləri olan Coca-Cola, Mars, P&G kimi vahid reklam strateqiyası ilə qətiyyən hərəkət etmir. Butün dünyada Heineken öz reklamlarını lokal şirkətlərə çəkdirir. Məntiq çox sadədir. Brend yerli şərtlərə maksimum uyğunlaşmaq istəyir.

Heineken brendini fərqləndirən digər xüsusiyyətlərdən biridə brendinq prosesini şirkətin ən üst səviyyəsində nəzarət edilməsidir. Şirkətdə brend menecerin statusu, hansısa mənada icraçı direktor və vitse-prezident səviyyəsindədir. Bu brend idarəetməyə əlavə alətlər qazandırır.

Brendinq, marketinqlə yanaşı şirkət dünyada ilk dəfə olaraq Zero-Based Budgeting (ZBB) anlayışını formalaşdırmışdır. Belə ki, brendin imicinə və ya ümumiyyətlə cari fəaliyyətinə yönəlmiş butün kampaniyaların budcəsi ilk əvvəl “sıfır” olaraq qəbul edilir. Marketinq kampaniyaları tam olaraq layihə idarəedilməsi məntiqi ilə idarə edilir. İllik budcə anlayışı şirkətdə yoxdur. Bunun yerinə Heineken menecmenti konkret hədəflər çatmaq üçün budcələşmə prosesinə həyata keçirir. Bununla budcə hədəflərin həyata keçirilmə ardıcıllığına görə dəyişir.

Brendin innovativ idarəedilməsindən söhbət açırıqsa, daha bir məsələ internetdə olan aktivliklərdir. Xatırladıram ki, dünyada FMCG brendlərdən ilk dəfə Heineken internet platformaya interaktivlik gətirmişdir. Məhz şirkətin saytında ilk dəfə komment qoymaq imkanları ilə yanaşı, həmçinin elə saytdancə konsertlərə bilətlər sifariş vermək olarmış. Bununla brend özünün əsas kommunikasiya alətlərindən olan “gecələrin dostu – Heineken” məntiqini ortaya qoya bilir.

Şirkətdə Heineken haqqında danışdıqda Hollandvari – ticarət, almansayağı – istehsal və amerikan marketinqi deyirlər. Həqiqətəndə brendin fəaliyyətini təhlil etsək deyilən məsələlərin bariz şahidi olarıq.

ƏLAVƏ OXUMAQ ÜÇÜN:

şərhlər

şərhlər

1 Comment

  1. "Ozune hormet eden market" bir qeder qeribe seslenir daha uygun sozlerle yazila bilerdi cunki mubahiselere cox aciq deyimdir.FMCG acilishi ve ne oldugu qisa sekilde verile bilerdi cunki marketing oxudugum halda ilk defeden basha dusmedim google yardim etdi.Umumilikde meqaleni oxumaq maraqli idi cunki brendler haqda her zaman nese informasiya oyrenmek maraqlidir.

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close