image_pdfimage_print

Daha əvvəl biz bir neçə dəfə brendlərin insana çox bənzədiyi haqqında bəzi yazılar yazmışdıq. Əslində brendlər, insanlar kimi həyat tsıklina malikdir. İstənilən brend özünün: yaranmaq, inkişaf, durğunluq və tənəzzül dövrunu yaşayır. Amma burda bir məqam var: insanlardan fərqli olaraq brendlərin ikinci, üçüncü həyatları ola bilər. Gucci, Louis Vuitton, Coca-Cola və ya digər qlobal brendlərə baxsaq, aşkar şəkildə hiss edərik ki, güclü brendlər əslində bir vaxtlar tənəzzüldən yenidən inkişafa gedən yolu tapa biliblər. Bəs Sizcə brendlərin ömrünü uzatmaq üçün hansı alətlərdən istifadə etmək lazımdır?

İlk əvvəl qeyd etməliyəm ki, insanlar muasir şəraitdə ciddi şəkildə dəyişimə, innovatsiyalara meylidirlər. Bunun nəticəsi olaraq bugün dəyişməz, sabit qalan brendlər tezliklə, köhnəlmək, dəbdən düşmə ehtimalı var. Bu proses çox tez gedir. Çünki Facebooklar bizə informasiyanı anında çatdırır və atılan addımların təsirlik müddəti xeyli aşağı düşüb.

Qlobal brendlərin təcrübəsini nəzərə alaraq biz düşünürük ki, brendlərin “ömrünü uzatmaq” yolu trəndlərin daimi şəkildə izlənilməsi və brendin verdiyi dəyərin eyniliklə saxlamaq, yeni istiqamətlərə transformasiya edilməsindən keçir. Başqa sözlə desək brendlər, öz əsas simalarını saxlayaraq daim dəyişməlidirlər.

Burada vacib olan nöqtə dəyişilən zaman brendin verdiyi ana mesajdan kənarlaşmamaqdır. Brendinq fəaliyyətini daimiliyin üzərində qurulmalıdır. Məsələn, əgər Head & Shoulders əvvəlcə kəpəkdən qoruma daha sonra isə saçların parıltılı olmasından danışırsa, bu böyük təhlükədir. Brendin əsas məğzi, əsas müştəri faydası dəyişməz qalmasıdır. Bunun əvəzinə brend eyni mesajı müştərilərinə artıq daha fərqli formada, məsələn mobil əlavələrlə edə bilər. Dəyişmə prosesi yenidən qurma kimi olmalı deyil.

Mükəmməl dəyişmə nümunəsi olaraq mən avtomobil brendlərindən Mersedes E-Classının konsepsiyasını göstərə bilərəm. Fikir verin. Avtomobilin ümumi konsepti dəyişməz qalsada, ümumi dizaynlar tendensiyalara görə dəyişir. Dizayn istehlakçı düşüncələrinə uyğun olaraq dəyişsədə, brendin verdiyi ana mesaj, ana dəyər heç bir şəkildə dəyişmir.

Bunun əksinə edən avtomobil brendi Opel ola bilər. Brend bir vaxtlar ailə avtomobili kimi özünü mövqeyləndirsədə, birdən-birə premium sinif uğrunda mübarizəyə başladı… nəticədə vəziyyət göz qabağındadır.

Hal-hazırda Azərbaycanda olan lider brendlərdədə eyni vəziyyət yaşanır. Bugün istər Bank of Baku  (pərakəndə bankçılıqda), istər Embawood (mebel), istər İdeal (parfumeriya) və s. olan butün sahələrdə olan lider brendlərimizin dəyişməyə ehtiyyacı var. Əgər dəyişməsələr bazar onların liderliklərini təhlükəyə ata bilər. İstehlakçı zövqlərinə uyğun olaraq brendlərdə dəyişməlidir.

Eyni zamanda dəyişmədiklərinə görə ciddi problemlər yaşayan, AZAL, Azərpoçt, Azərbaycan Dəmiryolları və s. kimi əslində güclü potensialı olar markalarımız brend ola bilmir və brendinqdən düzgün istifadə etmirlər.

Əgər fikir vermisinizsə, biz istər Marketinq AİR, istrə Milli Marketinq Forumunda hər bir yeni tədbiri daha fərqli, hansısa bir yeniliklə etməyə çalışırıq. Bu son dərəcə çətindir. Eyni şeyi iki dəfə etmək kimi bir şeydir. Amma biz bunu etməliyik. Etməsək, heç bir şəkildə uğur qazana bilmərik. Bizə uğur lazımdır. Çox lazımdır!

Brendin ömrünü uzatmağın yeganə yolu dəyişməkdədir. Dəyişmək isə əlbəttə, ürək, cəsarət, həyacan, həvəs tələb edir. Dostlar bir-az həvəsli olaq.

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close