image_pdfimage_print

Marketinq sözünün araşdırma ilə eyniləşdirməni və ya araşdırmanın marketinqin əsas hissəsi hesab edənləri heç bir şəkildə qəbul edə bilmirəm. Bu sırf nəzəriyyəçi yanaşmasıdır, məncə. Muasir marketinq yenilikçiliyin, operativliyin, müştərinin gözləmədiyi üstünlüklərin emosional formada təqdim edilməsinin üzərində qurulur və düşünürəm ki, marketinqin gələcəyi seqmentasiya prosesini fərdlər səviyyəsinə çatdırmaqdadır. Bəs araşdırma? Araşdırmanın marketinqdə rolu və əhəmiyyəti nədir?

Biz düşünürük ki, marketinq problemə daha dərindən yanaşmalı, şirkətin (brenidin, biznesin və s.) üstünlüklərini müştəri qəbul edəcək şəkildə çatdırmağa qadir olmalıdır. Bunun üçün araşdırma marketinq üçün çox yaxşı imkanlar yarada bilər. Araşdırmalar, təhlilər bir-başa olaraq məqsədə çatmaq üçün bizə yollar göstərməlidir.

Marketinq araşdırmaları, hansısa ABC təhlillər və ya məhsul portfeli üçün istifadə edilən Boston matritsası heç bir şəkildə mütləq olmalıdır deyə bir şey yoxdur. Mən təcrübəmdə çoxlu şirkətlər görmüşəm ki, araşdırmaya böyük investitsiyalar qoyur, amma nəticələrini gözləmədən addımlar atır. Səbəb? Sizcə niyə bu belə olur?

Məncə bunun əsas səbəbi araşdırma prosesinin şirkətlər üçün cari fəaliyyət və ya “eşi araşdırma lazımdırdaa-aaa” kimi yanaşılmasıdır. Buna görə şirkətlərin araşdırmağa xərclədikləri pul “havaya” gedir. Nəticədə növbəti araşdırmalara şirkət rəhbərliyi dahada skeptik yanaşır və büdcədə nəyisə təxirə salmaq lazım olanda, ilk yada düşən “araşdırma” büdcəsi olur. Məndə sahibkarların yerində olsaydı elə edərdim. Burda bir-başa gunah sahibkarda, menecerdə deyil. Araşdırmanı gözdən salan, biz marketoloqlarıq. Lazımsız araşdırmalar etməklə.

Araşdırma prosesi mütləq şəkildə problemin təyin edilməsindən başlamalıdır. Ümumiyyətlə marketinq layihə elmidir. Marketinq üçün edilən butün aktivliklər mütləq qaydada, konkret hədəflər təyin edildikdən sonra icra edilməlidir. Həmçinin araşdırma. Əgər şirkət öz daxili gücünə BCG təhlil edirsə, mütləq bundan sonra ArGe üçün təkliflər hazırlanmalıdır, istehsaldan çıxarılacaq məhsul təyin edilməlidir və s. Başqa sözlə desək, marketinq öz rolunu yalnız icraçı olaraq deyil, həmçinin ciddi istiqamətləndirici kimi görməlidir. “Biz dedik, etmədilər” yerli marketinqi məhv edir. Sahibkarlar bizi dinləmir, çünki biz “boş-boş araşdırmalar” edib vaxtımızı və resursları səhv istiqamətə yönləndiririk.

Fikir vermişəm. Yerli şirkətlərin bir çoxunda marketoloqlar seqmentasiyadan danışır, amma işin real icrasının edilməsinə gəldikdə sona çatdıra bilmir. Biz seqmentasiya haqqında saatlarca danışmağa hazırıq, amma öz brendimizin müştəri seqmentini dəqiq təsvir etməyə qadir deyilik.

Əlbəttə, bu məsələdə yerli “flaqman” araşdırma şirkətlərinində rolu böyükdür. Onlar biz marketoloqları araşdırma hədəflərinin qoyulmasını öyrətməlidirlər. Hədəfsiz araşdırma sektoru məhv edir, sektordan fayda almaq istəyən isə, həmdə araşdırma şirkətləridir. Necə dəyərlər: “Hara getdiyini bilməyən adam, çatdığı yerdən asılı olmayaraq – mən buranı istəmirdim” deyəcək.

Düşünürəm ki, araşdırma prosesi layihə idarəedilməsi məntiqi ilə aparılsa, biz daha tez və sistemli şəkildə faydalar əldə edərik, yoxsa hamı edir, bizdə edək… araşdırma sektorunu və marketinqi geriyə apara bilər.

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close