image_pdfimage_print

Dostlar bilir ki, bizə aid 1-2 xırda mağazalar var. Bu yaxınlarda “gizli müştəri” layihəsi edərək və mağaza içərisində olan məlumatlara əsasən bir neçə məsələdə problemlərin olduğu düşündüm. Bunun üçün çox düşünmədin əziz və hörmətli satıcı personalına öz e-mailləmdən məktub yazdım. İstəyirəm ki, bu məktubla Sizləri tanış edim. Düşünürəm ki, məktubun ünvanı Siz olmasanızda, Sizlər üçündə faydalı ola bilər. Buyurun oxuyun)

İlk əvvəl qeyd edim ki, məktub 18 nəfərə ünvanlanıb (rəhbərlərdən başqa) və məktub yazılmamışdan əvvəl satıcıların xətti rəhbərlərinə (mağaza müdirlərinə) məzmunu haqda məlumatlar verilib. Beləliklə:

Məktubun mövzusu (Subject): VACİB_MƏSƏLƏ

Məktubun məzmunu: 

Salamlar!

Dekabr ayı bizim üçün son dərəcə vacib aydır. Məhz bu ayda biz, daha çox satış etməli və ödənişlərimizi düzgün formada aparmalıyıq.  Dekabr ayı ilin bitməsi deməkdir. Biz əslində bu ili son dərəcə uğurlu başa vurmaq üzrəyik, amma düşünürəm ki, bu ay bizim üçün ən həll edici vaxtdır. Hər şey məhz dekabrdan asılıdır.

İlin uğurlu bitməsi üçün Sizlərin, müştəri təmsilçilərin üstünə böyük yük düşür. Bilirsiz, satılmayacaq məhsul yoxdur, sata bilməyən və ya sata bilən satıcılar olur. Mən çox sevinirəm ki, bizim satıcılar satışı yaxşı bacarır (istəyəndə!).

Buna baxmayaraq bizim salonlar bəzi ciddi problemlər var. Salonlarda kreditlərin verilmə prosesində ciddi problemlərimiz görünür. Bilirsiz, kreditli satışlar bizim üçün çox vacibdir. Kreditin həyata keçmısi üçün biz müştərilərimizi yaxşı təlimatlandırmalıyıq. Bunun üçün, MÜŞTƏRİ MƏMNUNİYYƏTİ son dərəcə vacibdir. Əgər müştəri bizdən məmnun qalmasa, heç bir satışdan söhbət gedə bilməz. Bunun üçün sırf Sizlər (satıcıların adlarını çəkirəm xanımlar üçün) üçün bir neçə vacib qaydalarımız var.

YADDA SAXLAYIN:

  1. Müştəri bizim rəhbərimizdir. Sizin rəhbəriniz İlkin, … müəllim,  …müəllim deyil (müdirlərin adlarını çəkirəm). Sizin maaşınızı müştəri verir. Ona görə müştərinin daha yaxşı olması üçün biz qaydalarımız daxilində əlimizdən gələn hər şeyi etməliyik. Narazı müştəri, narazı rəhbər deməkdir. Narazı rəhbər sabah bizim üçün, işimizi itirmək təhlükəsidir!!! Təkrar edirəm müştəri bizim hamımızın rəhbəridir!
  2. Qaydalara riayyət etmək lazımdır. Mağazamızda olan qaydalara qeyri-şərtsiz riayyət etmək lazımdır. O qaydalar 100 dəfə düşünüldükdək sonra təyin edilib. Onları pozmaq olmaz. Mağaza daxilində telefonları unudun. Zəng, mesaj nə bilim nə “saj” müştəri üçün hörmətsizlikdir. Xahiş edirəm bunu unutmayaq!!!
  3. İşə vaxtında və düzgün şəkildə gəlmək lazımdır. İşi öz işiniz bilin. Biz hələlik ilk addımlarımızı atırıq. Bu məndən çox, Sizin biznesinizdir. Mən salonda ayda bir dəfə oluram, Siz… hər gün (!) Bugün şərti … xanımın (ad çəkirəm) işdən 15-20 dəq. gec getməsi biznesimizə böyük mənfəət verə bilər… və ya tam əksinə. Buna görə normadan daha çox işləməliyik. Xahiş edirəm bu məsələyə diqqət edi.
  4. Bir-birimizə qarşı hörmətli olaq. Salon daxilində heç birimizə yüksək tonda nesə demək, tənqid etmək olmaz yol verilməzdir. Dəfələrlə dediyimiz və əlbəttə ki, Sizin bildiyiniz kimi, əgər içərimizdən kimsə müştəri ilə kontaktda olursa, biz bu prosesə heç bir şəkildə qarışa bilmərik. Xahiş edirəm buna riayyət edək.
  5. Bizim problem, bizim problemdir. Əzizlərim… bugün mənim inanın ki, 10-larla problemim ola bilər, amma bunu Siz, bizim müştərilər hiss etməməlidir. Xahiş edirəm, sevincinizi, kədərinizi müştəriyə göstərməyin. Daim pozitiv olun, hər şey yaxşı olacaq!)

MÜTLƏQ EDİN:

  1. Kredit verilmə zamanı müştərini maksimum məlumatlandırın. Kredit necə verilir, faizi nədir, necə cavab verməlidir. İmtina edilən kreditlərin 90% səbəbi müştərinin səhv danışması, qohumların səhv sözlər deməsi və s. olur. Xahiş edirəm – müştəri ilə skupe danışmazdan əvvəl tam məlumatlı olsun. Ayın sonunda imtina sayı təyin ediləcək. Hər bir imtina Sizin maaşdan gedən puldur. Diqqətli olun. Müştərini kredit almağa hazırlayın.
  2. İsmayıl müəllim və Zaur müəllmin … (rəhbər adları çəkilir) dediklərini düzgün riayyət edin. Hesabatlarda, sifarişlərdə səvlər etməyin. Bu səhvlər bizim işi pis vəziyyətə sala bilər. Hər bir sifarişi bir neçə dəfə yoxlayın. İlin sonunda bizə anbarda artıq mal lazım deyil!!!
  3. Səhv etməkdən qorxmayın. İş olan yerdə səhv olar. Amma səhvlərinizi minimuma çatdırın. Unutmayın… ən böyük səhv, səhv etməkdən qorxmaqdır.
  4. Oxuyun, məhsulları tanıyın, inkişaf edin. Hər bir satıcı ona verilən məlumatları hər evdə təkrarlamalıdır. Burada “Evdə” sözünə diqqət edin, salonda nesə oxumağa ehtiyyac yoxdur! Oxuyanlar özü bilir ki, bu OLMAZ!))

Bugündən etibarən xahiş edirəm imtina ediləcək butün kreditləri qeydiyyata salaq. Mən özümdə bu imtina səbəblərini araşdıracam. Sizdə məsuliyyətinizi artırırn. Bu ayı pis başlamışıq, mağazaya girən adamlarla, satış arasında olan proporsiya zəifdir. Bunu aradan qaldıqmağın birinci yolu, kreidt ekspertləri ilə səmimi münasibət qurmaqdır. Həmdə müştərinin hazırlamaqdır. Təkrar edirəm, salona girən hər bir insan, bizim potensial müştərimizdir. Bunun üçün biz, Sizin kimi güclü satıcılara inanırıq!!!

Xahiş edirəm hər gün mənə imtina ediləcək müştəriləri əlavə olan cədvəl üzrə doldurub göndərəsiniz (əlavədə cədvəl göndərilib). Salona girən hər bir müştəriyə xüsusi diqqət və niyə alış etmədiyi təyin edilməlidir.

Uğurlu işlər!!!

Necədir? Sizcə bu məktub bizim satıcıları motivasiya edə bilər? Nəticələri barədə gələn ay yazacam.

P.S. İnanıram ki, satıcılarımız bizim bloqu oxumur!))

ƏLAVƏ OXUMAQ ÜÇÜN:

şərhlər

şərhlər

1 Comment

  1. Gözəl məsləhətlərdir. Amma səmimi olmaq gərəkdirsə başdan ayağa təhdit xarekteri daşıyır. Kobut desək "Maaşından kəsərəm!" "İşdən Qovaram!" kimi bir xəbardarlıq dolu olub biraz =D

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close