image_pdfimage_print

Son zamanlar oxuduğum bir neçə brendinq yazısından sonra bir məsələ daha çox diqqətimi çəkməyə başlayıb – dünyanın aparıcı qlobal brendləri öz satış nöqtələrində xüsusi konsepsiyalardan istifadə edirlər. Bir növ satış nöqtəsi özlüyündə, bizim, insan olaraq yaxşı xatırlana biləcək yerləri təsvir edir. Brend satış nöqtəsində müştəriyə qeyri-ənənəvi üsullarla təsir etməyə başlayır. Fikirlərimi misallarla Sizlərə çatdırmaq istəyirəm.

İnsanların yaxşı tanıdığı və hamı tərəfindən müəyyən assosasiyalar verdiyi yerlər var. Məsələn, məsçidlər (kilsələr), bazarlar, mehmanxanalar və s. Bu dediyimiz yerlərin adı gəldikdə bizim hamımızın ağlında müəyyən bir obraz, hiss formalaşır. Bu obrazları muasir brendlər öz satış nöqtələrinin dizaynlarında tətbig etməklə müştərilərə şuar altı təsirlər edirlər.

Pərakəndəçi brendlər bügün öz mağaza konsepsiyalarında istifadə etdikləri elementlərlə əslində müştərilərinə emosional ağırlıqlı mesajlar vermiş olurlar. Sektorundan asılı olmayaraq sözü gedən məsələləri mağaza dizaynlarında tətbig etmək olar. Rahat qəbul edilən elementlərin aşağıdakılar ola bilər:

  • Satış nöqtəsinin giriş qapıları. Giriş qapısının dizaynı əslində pərakəndəçi brend üçün son dərəcə vacibdir. Diqqət etmisinizsə ibadət yerlərinin qapıları daim böyük və əzəmətli olur. Məntiq çox sadədir, salona girən adam (müştəri) girdiyi yerə olan inanmı, inancı artır. Eyni texnoloqiyanı əslində pərakəndəçi brendlərdə istəfadə edir. Giriş qapısı böyük, əzəmətli, ağır və gözəl olan brendlər müştəridə daha çox inam hiss aşılayır. Qiymətə, ucuzluğa aksent etmək istəyən brendlərin giriş qapıları çox rahat açılır, yüngül olur və ya çox zaman ümumiyyətlə açıq olur. Bununla brend öz mövqeylənməsini göstərir.
  • Satış nöqtəsinin işıqlandırılması. Əlbəttə, işıqlanma kimi, salonun daxili dizaynına təsir edən ikinci elementi təsəvvür etmək çox çətindir. Amma bununla yanaşı işıqlanma qapıdan fərqli olaraq həmdə məhsulun gözəlliyini önə çıxarmalıdır. Məsələn mebel mağazalarında adətən işıqlanma hərəkət zonasında çox az, məshulun üzərində isə çox olur. Ərzaq satan mağazalarda əlbəttə, işıqlandırma daha komple olmalıdır, yəni mağazanın bütün yerlərinə proporsional formada paylana bilməlidir. İşıqlandırma brendinq fəaliyyətin son dərəcə geniş mövzudur və konkret kateqoriyalara görə dəyişir.
  • Satış nöqtəsinin tavanı. Tavan məhsulun görünməsi üçün çox böyük əhəmiyyət kəsb edir. Məsələn, (aşıq gördüyünü çalar) mebel sənayesində modern üslüblu mebellər üçün olan salonlarda tavan daha aşağı olmalıdır, klassik mebel təklif edən salonlarda yüksək. Yadıma düşür bizim German Studio salonumuzun dizaynını italyan dizayner vermişdi. Bu zaman dizayner tavan yükəskliklərində “oynayaraq” satış zonasını müştərilərlə ünsiyyət zonasından tam ayırmışdı. Bir sözlə pərakəndəçilər üçün çox vacibdir.
  • Satış nöqtəsinin döşəməsi. Yadıma gəlir, İKEA, Aldi və ya Media Markt kimi aşağı qiymət təklif edən pərakəndəçi brendlərdə döşəmə son dərəcə “kasıb”, necə dəyərlər boz rəngdə olur. Bununla brend demək istəyir ki, biz hər şeyə qənayet edirik ki, Sizin üçün ucuz nesə təklif edək. Bahalı salonlarda xüsusi mərmər və ağac üzlüklü döşəmədən istifadə edilir. Məsələn, lüks məhsul təklif edən salonlarda polun tavanı zonalara görə dəyişir. İşıqlandırma ilə birlikdə satış nöqtəsi müştəri tərəfindən düzgün qəbul edilməsi üçün dizaynlardan istifadə edilir.

Ümumiyyətlə daxili interyerin hər bir elementi brendinqdə çox vacibdir. Eyni məsələlər restoran biznesindədə aiddir. Hər şeydə, satılan və ya biznes üçün edilən istənilən obyekt mütləq təklif ediləcək brendin verdiyi dəyərlərə görə hazırlanmalıdır.

Yadıma düşür olduğum treninqlərin birində qeyri-məhsul brendlərinin yaradılmasında satış nöqtələrinin rolu barədə böyük seminar oldu. Məntiq çox sadə idi, əgər Sizin brendinizin təklif edildiyi yerlə, brendin müştəriyə verdiyi dəyər arasında fərq varsa, deməli nəsə səhvdir. Louis Vuittonda təklif edilən məhsul lüksdürsa, salondada hər şey lüksun ən son pilləsinə uyğun olmalıdır. İKEA brendi ilə Siz qənayəti təşviq edirsinizsə, deməli satış nöqtənizdə buna uyğun olmalıdır və s.

Necə ki, FMCG sektorunda məshulun qablaşdırılması, pərakəndəçilikdə isə əgər uğur meyarı brend üçün onun interyer və eksteryer dizaynlarıdır. Birdə diqqət edin, söhbət burda gözəl dizayndan getmir, qətiyyən yox. Məntiq sadədir, sən mütləq dizaynla brendin verdiyi vədi qorumalısan.

Sonda deyim ki, Apple şirkətin Apple Store-si, Aldi şirkətinin mağazası (ümumiyyətlə bu sahə alman pərakəndəçilərin çoxunda yüksək səviyyədə tətbiq edilir), LV kimi brendlər bu dediklərimizin dünyada ən mükəmməl etməyi bacaran şirkətlərdir.

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close