image_pdfimage_print

Dünyada reklama ən çox investisiya qoyan şirkət dedikdə çoxlarımızın ağlına təbii olaraq Procter and Gamble şirkəti gəlir. Əslində bu çox təbiidir. Məhz bu şirkət dünyaya ilk dəfə brend menecer anlayışını gətirib, məhz bu şirkət hamının dilində olan sabun operası (seriallara deyirlər, sabun köpüyü) anlayışını və ya TV reklama belə çox pul xərcləməyi bizə öyrədib. Bizim bloqdada tez-tez Procter barədə danışmışıq, amma bu yazıda mən istəyirəm Sizin diqqətinizi şirkətin Azərbaycan bazarı üçün hazırladığı növbəti reklam kampaniyasına çəkim. Fairy Azərbaycan toyunda reklam çəkir…

Əziz oxucu, reklama baxdız. İndi öz aramızda bu reklamı hansısa Azərbaycan şirkəti sifariş versəydi, reklamçılar nə deyərdi. Reklamçılar və dizaynerlər. Onlar təxminən aşağıdakı kontekstdə fikirlər verəcəkdilər:

  • bizdə reklam olmayacaq… o boyda şirkətin çəkdiyi reklama bax…
  • bizim sahibkarlar… marketinqi bilmirdə. Qoyasan elə pul qazansınlar (pul qazanırsa deməli marketinqi bilirdə – mən deyərdim, neysə…)
  • xarici reklamları baxmırlar… bizdə savadsızlıq baş alıb gedir. Məni (bunu) bu ölkədə başa düşmürlər, gedəcək burdan və s.

İndi özünüz bir daha Procter and Gamble şirkətin reklamına baxın. Bu şirkətin reklamlarında mən hər zaman dəyişməz qalan prinsiplərə həsəd aparıram. Necə deyərlər, bunların qazandığı pula halaldır. Bu prinsiplər aşağıdakılardır:

  1. Reklam Brendin müştəri üçün vacib olan rəqabətqabiliyyətini göstərir. PG hər bir brendi üçün bazarda unikal olan rəqabətüstünlüyü tapmışdır. Marketinq kommunikasiyalarının məqsədi sistemli şəkildə brendin verdiyi mesajı müştəriyə çatdırmaqdır. Məsələn, əgər brend Arieldirsə deməli söhbət qar kimi bəyazlıqdan gedir. Head & Shouldersdirsə deməli kəpək və s.
  2. Mesaj Qlokal verilir. Procter dünyanın istənilən ölkəsində öz brendinin rəqabətqabiliyyətini eyni tutur. Yəni dünyanın istənilən ölkəsində müştəri Fairy seçirsə deməli o öz ürəyində daha qənayətlə qablarını yumaq haqda düşünür. Amma şirkət verdiyi mesajın tipini konkret ölkənin mentalitenə görə dəyişir. Çoxlarımızın dilində olan Qlobal düşün, lokal hərəkət elə məntiqini mükəmməl şəkildə icra edə bilir. Həm brend dəyəri qalır, həmdə xalqa yaxın olur.
  3. Reklam maksimum sadə olur. Diqqət edin, heç Procter and Gamble reklamlarında kreativlik, xüsusi kamera effektləri, xüsusi səsləndirmə və ya hansısa bir qeyri-adi ssenari görmüsüz? Heç eşitmisiz Procter Kann reklam festifalında qalib gəldi? Qalib gəlir, amma inanın ki, bunu P&G məhz qalib gəlmək üçün çəkir. Kommersiya effekti olan heç bir reklam əslində qeyri-adi ssenarisi ilə seçilmir. Müştəriyə verilən mesaj maksimum sadə və bir-başa verilir. (bu haqda əttaflı buradan oxuyun)

Əlbəttə, bu o demək deyil ki, kreativ reklamlar pisdir. Əsla yox, amma əsas məntiq odur ki, reklam gözəl olması üçün çəkilmir. Reklam brendi gücləndirmək üçün çəkilir. Bilirsiz İKEA yarandığl vaxtlar sloqanı nə olub? Fermerlər üçün ucuz mebel… demək istədiyim odur ki, mesaj kreativ olmalı deyil, mesaj satdıran olmalıdır.

Hə, birdə unutmadan bir şeyidə deyim. Bu brendlər öz reklam siyasətlərində inanılmaz dərəcədə ardıcıl işləyirlər. A deməmiş heç vaxt B deməzlər və ya verdikləri ana mesajı daimi olaraq saxlayırlar. Hətta satışın stimullaşdırılması üçün olan kampaniyalar belə brendin ana dəyərinə uyğun işlənilir.

Reklamı çəkən yerli şirkətidə əlbəttə, təbrik etmək lazımdır. Yaxşı çəkiblər, aydın və effektiv. Sağ əlləri yerli müştərilərinin başına!) Xoşbəxtçilikdən oktyabr ayından Marketinq AİR başlayır, bu keyslərin hər birini, 1-1 təhlil edəcəyik. Qeydiyyatı üçün bura daxil olun.

Hesab edirəm ki, marketinqi öyrənməyin ən yaxşı yolu (istər marketoloq, istərsədə reklam şirkətlərinə) xarici brendlərlə sıx işləməkdən keçir. Əlbəttə, bu işləmək bizə eyni şeyi edin alınacaq demir… amma bençmarkinq üçün mükəmməl imkanlar yaradır. Düşünməyə dəyər məncə, hə?

ƏLAVƏ OXUMAQ ÜÇÜN:

şərhlər

şərhlər

Fikir bildirin

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Close