Monthly Archives Dekabr 2018

İstənilən böyük biznes start verildiyi zaman risklərinin minimallaşdırılması barədə söhbət gedə bilməz. Biznes admaı arxasınca körpüləri yandırıb, irəli gedən insandır. Burada heç bir planlaşdırmadan söhbət gedə bilməz. Daha konkret desək biznes rəhbərinin iki statusu olur:

1. Biznesi sıfırdan quranlar. Yəni metafora ilə desək, qar topunu yaradan insanlar.
2. Mövcud biznesi inkişaf etdirənlər. Bunlar mövcud qar topunu daha böyük etmək istəyirlər.

Video blogda sözü gedən məsələ barədə fikirlərimizi bölüşürük. Beləliklə… biznes quranlar barədə.

Biznesin inkişaf etdirilməsi üçün kreditə ehtiyyac varmı? Ümumiyyətlə kreditlə biznes qurmaq düzgündürmü? Blogumuzun vaxtı az olan oxucularımız üçün sözümü əvvəlcədən deyim – Biz hesab edirik ki, biznes öz yağında bişməlidir və əlavədən gələn pul biznes adamı, istərsədə biznesin özü üçün ziyandır. Daha ətraflı məlumat üçün, buyurun, videomuza axıra qədər baxın.

Çox zaman, biznes adamları Azərbaycanımızda sözün düzgün olmayan və ya tez-tez yalan danışan adamlar kimi xarakterizə edirlər. Əlbəttə ki, bunun bir neçə subyektiv, ölkəmiz üçün xarakterik olan səbəbləri var. Biz 70 il ərzində, Sovet İttifaqının tərkibində olduğumuz zaman, biznesə müftəkirlik kimi baxırdıq. Bu Sovet psixoloqiyası hələdə bizdə qalmaqdadır. Həmçinin bazar iqtisadiyyatının ilk dövrlərində həqiqətəndə ölkədə çox saylı spikulyativ əməllər baş vermişdir. Bəs bugün? Bugün biznes adamının əsas silahı nədir?

Xatırlayıram hələ, Embawood-da çalışdığım vaxtlar istehsalla əlaqəli dostlarımızın bir çoxu, daim 5 siqma – 5S barədə uzun-uzadı danışırdı. Heç başa düşmürdüm: bunlar nə deyir, 5S nədir? nəyə lazımdır və s. Özümüz istehsala başladıqda və hiss etdikdə ki, işlər tam istədiyim kimi getmir, başü düşdüm ki, hər şeydə olduğu kimi istehsalında öz incəlikləri var. Eləcədə mebel istehsalının, eləcədə mətbəx mebelinin və əlbəttə ki, bizim Mutfakçı istehsalının. Bu yazıda istəyirəm Sizlərə 5S bağlı fikirlərimi video formasında təqdim edim.